Çoxdandır səninlə ayrı düşmüşük
Qismət bu günədir biz görüşmüşük
Sənin də gözlərin mənim tək dolub
Bir gün də ayrılıb, bir üzülmüşük

Sənin də üzündən ayrılıq yağır
Bu üzdən gözlərin çox dərdli baxır
Ən yaxın dostunam gizlətmə, söylə
Ürəyin onun üçün çoxmu darıxır?!

Mən onun yasını saxlaram hər gün
Bağrıma daş basıb ağlaram hər gün
Yaralı qəlbimi dağlaram hər gün
Amma ki, demərəm qayıt geriyə

Kədər elçi düşdü sevincimizə
Ayrılıq qismət imiş hər ikimizə
Siz ki yaraşırdız bir birinizə
Bildim ki ayrıldınız, bilmədim, niyə??

Qəlbimə şübhəli suallar doldu
Mən nə vuruldum ən şad günümdə
Ən böyük hədiyyəm ayrılıq doldu
O məni tərk etdi bu ad günümdə

Üzülmə, ey dostum, bu qismət bizə
Məhəbbət sayılır cinayət bizə
Hər gecə, hər səhər xəyanət görər
Kim əgər edibsə xəyanət bizə